Èm molt abituadi a fomentar era normalizacion der usatge dera nòsta lengua enes relacions entre es administracions e es ciutadans. Un des aspèctes transcendentaus entà normalizar era lengua ei, totun, eth mon laborau e socioeconomic. Ei en aguest domeni a on s’establissen relacions a on es lengües aquerissen major o menor importància en foncion deth sòn usatge orau mès tanben escrit, tant entre es trabalhadors d’ua madeisha empresa coma entre es servicis qu’era empresa aufrís de cara ath public. Ath delà, cau auer present qu’eth coneishement d’ua o mès lengües da as sòns parlants igualtat d’oportunitats ara ora de conseguir un trabalh o d’integrar-se ena societat, aquerò que nomentam ascensor sociau.

Entre es objectius dera Fondacion Vincle i a era integracion e coesion sociau, e açò tanben afècte ath mon socioeconomic. Pòc dempús dera sua creacion, era Fondacion ja impulsèc campanhes qu’incidien ena preséncia dera lengua catalana ena empresa e eth sòn usatge en relacion damb es consumidors, qu’an de veir es sòns drets garantidi, dera madeisha manèra qu’entara empresa deven un punt fòrt per çò que hè ara milhora dera relacion damb es sòns clients. Damb er objectiu d’ajudar a normalizar era lengua catalana en mon socioeconomic, era Fondacion Vincle a impulsat e impulsarà campanhes e servicis de conselh as empreses entà qu’artenhen es sòns objectius de gestion lingüistica corrècta e respectuosa damb es sòns consumidors, damb d’autes empreses e, en definitiva, damb er entorn a on actuen. E tot açò includís era bona aplicacion des normatives e era legislacion deth país que l’interpèlle.

Hèm conscients qu’aué en dia moltes empreses desvolopen era sua activitat en entorns multilingües, qu’ei eth mon actuau en qué mos botjam. Ara ben, aguest multilingüisme non ei sinonim de mala gestion lingüistica s’auem present quines an d’èster es foncions de cada lengua segontes eth territòri. En aguest sentit, totes aqueres foncions que poguen hèr es lengües locaus (es deth lòc), non les an de hèr es lengües globaus. E atau, contribuïram a ua ecologia des lengües e a ua preservacion dera diuersitat lingüistica. Ua bona gestion lingüistica ei, donques, ua hònt de benefici entàs empreses e ua via de fidelizacion des clients dera marca.